تم تطبيق الخطة الجديدة للترقيم في الكويت
يعني ارقام التلفونات صارت 8 ارقام
اخر يوم لاستخدام ال7 ارقام راح يكون 17-10-2008
يعني اللي رقمه: 6XXXXXXراح يصير66XXXXXXطبعا
راح تحتاجون تغيرون الارقام المخزنة عندكم Contacts وتزيدون رقم 6 حق
خطووط الوطنية ورقم 9 لخطوط زين ورقم 2 لتلفون البيت ورقم 1 للأرقام التجارية (
808080) أما الخدمات اللي تكون من 3 ارقام (777-113-101) راح تبقى بدون تغيير
بالنسبة لخطوط الوطنية: تضيفون قبلها رقم 6
60> 61> 62> 63> 64> 65> 66> 67> 68> 69> 77> 70> 50> 51> 59> 58> 554> 555> 556> 558> 559> 550
أما بخصوص ارقام زين راح تضيفون قبلها رقم 9
> 90> 91> 92> 93> 94> 95> 96> 97> 98> 99> 79> 71> 72> 73> 74> 75> 76> 76> 44>
هناك 16 تعليقًا:
شالبلشة هذي!
من له خلق يغير كل الأرقام اللي مسجلها
فاضي اغير كل الارقام
بعطي التلفون حق خدامتنا اتسويه حقي والا تدرين اشلون اي واحد يدق علي اغير رقمه واحنا الي خالصين
اذا خطج الوطنية ..
دزي مسج فيه
backup
حق 1618
يعدلون لج الأرقام كلها .. ويردونها لج :)
وليه سبع ارقام و مدوخيني صاروا ثمانية
الله يا فيه ناس راح يزعلون ويضيق خلقهم على أرقامهم الذهبية و البلاتينية و الفضية والحمدلله اني مو منهم مع انه رقمي من الفئه الحديديه خردة يعني بس ضايق خلقي على المجانيين الي دفعوا كذا الف على رقم متسلسل بعد الاضافة صار خرده يعني مثل رقم العبدلله
وعطني ولعه
زيادة الأرقام هو دليل على إنه عجلة التقدم و الاقتصاد والحكومة الالكترونية بدت تتحرك وتدور بس السرعة -0
ويــح قلـبي :\
حده طاااف ;q
اش هل موديـــــــــــــل اللي مالا داعي !
العزيزة يوفينتينا
صار معاي نفس العزيز آز يولايك..الوطنية قانموا بالمهمه بظرف خمس دقايق..عساهم عالقوة ماقصروا وفكونا من تعديل جميع الأرقام
تحياتي لكِ
Mate ..
لا تحاتي .. الوطنية و زين مسوين باك اب
فا سهالات ان شاء الله ..
بس ملااااااقه !!
Eng-Q8 ..
هاهاهاهاها .. سو باك اب .. الوطنية عندهم الخدمة و زين قالوا بعد يومين ان شاء الله ..
As u like ..
لا والله خطي زين .. قالولي انه خدمة الباك اب بعد يومين ان شاء الله ... :)
شكرا ..
The Boss ..
اي والله مساكيييين ..
بس انا خطي صار احلى كان 9 و بعدين دبل دبل دبل .. فا الحين دبل 9 دبل دبل دبل ..
P;
Mr-Solutions ..
اتهقى !!!!
يجوووووووووووووز !!!!!!
Kuwait ..
حده حده .. عندج شهر تقريبا :)
شلون اعصابج الحين ؟؟ ان شاء الله هديتاي ؟ :)
Lavender ..
حده حده ماله داعي ..
شقران ..
اي صح .. و ان شاء الله زين بيسوون نفس الشي هاليومين ان شاء الله :)
ليش زايدين رقم ؟؟
والله عبااااااله .. وتغربل ماله داعييييي.. موعارفييين شسوووون
اهوه مو ماله داعي
لان هم احنا قبل سنة تقريبا صارت مثل الحركه يعني اكيد اكو شي
الله اعلم
يعطييج العافية :)
Ak-47 ..
مادري !!!
Gawga3a ..
اي والله !!!! فرااااغه
Bhr-qadsaweya ..
صح بالبحرين تغيرت الارقام :)
إرسال تعليق