ابي رايكم

بإختصار ماني عارفه أصوت حق منو .. انا بالدائره الاولى و حابه انه صوتي يروح حق شخص يستاهل و ماني عارفه !
مرات احس انه كلهم نفس الشي أحس انه مجلس الامه صار سيرك من كثر ما انترس بالمهرجيين .. و ما فيهم واحد يحب الكويت ويراعي مصالح الكويت أكثر من ما يحب نفسه و يهتم لمصاااااااااالحه .. اللي يعرف شخص زين و يحب الكويت اكثر من نفسه انا مستعده اصوت له لا و اخلي الكل يصوت له .. مع اني اشك انه هالشخص موجود !!

عجيييييييييب !!

يمكن منكم شايفينه بس الصراحه يموت من الضحك !

SPECIAL

منو منا ما يسمع كلمة " Special " عالأقل مره وحده باليوم !؟

أنا وحده لاعت جبدي و ملييييت من هالكلمه . . أول لما أحد يقول " Special " كان صج شي مميز و خاص و تحس الخدمه او الشي صج " Special " أما الحين صار كل شي " Special " ما بقى أكله ما بقى مكياج ما بقى تسريحه ما بقى سياره ما بقى موبايل ما صار " Special " وايد وايد قمنا نسمع انه هالشي " Special " بس علشانك مثلا لما تشتري شي و يقولك الريال عشان خاطرك " Special Price " ! و غييره و غييره . . عن نفسي أحس هالكلمه وايد استهلكناها و فقدت معناها الاصلي !!

مسخره !!

الصراحه كنت قاعده احوس بين المواقع و انصدمت من هالموقع و المواضيع اللي تستفز و تقهر كل كويتي يحب الكويت
تأليف قصص ما صارت ولا يمكن انها تصير و مواضيع تتعرض لآل الصباح و على رأسهم المغفور له بإذن الله الشيخ جابر الاحمد الصباح اللي لو مهما يصير ما نختلف على حبنا له و ما نسمح لأحد يمسه او يمس ديرتنا الحبيبه الكويت

http://fasadalsaud.tripod.com/id15.html هذا الموقع !!

بسم الله

بسم الله الرحمن الرحيم

قررت أبدي مدونتي بعد ما حسيت إن الوضع وصل حده بالكويت

والله مقهورة من كل الأوضاع بالكويت من ناحية سياسة ولا اقتصاد و رياضة حتى انسانية ماصار عندنا ..

المهم انا عندي وايد كلام بمواضيع وايده و الله كريم ان شاء الله