قهر !

يعني الله يهداه ناصر المحمد من صجه على هالتشكيله !؟! و لا يتغشمر !!! شنو هالتخبط

من صجه حاط صفر .. ما يدري عن التأبين ! و لا عناد حق بعض النواب !! و ما لقوا غير باقر يردونه !!
هذا الانسان اللي صج الواحد حتى احترام ما يقدر يحترمه ..
يعني جد واضح ان الحكومه ما تبي الامور تتيسر و هالشي واضح من الاختيار السيء للوزراء ..
اوكي في وزراء مناسبين مناصبهم ..
بس الباقي لييييييييييش !!!

ابشركم هالدورة راح تكون من اسوأ الدورات و راح تلوع جبودنا من اللي بيصير .. و نهايتها حل ..

و الله مقهوره يعني مادري ليش يسوون جذي !! الله يستر

امتحان

اكيد وايد منكم مر عليهم هالامتحان للشخصية .. بس اللي ما يعرفه يشارك ..

رتبوا الحيوانات التالية كما تفضلها من 1 الى 5 .. و تبدون بالمفضل الى الاقل افضليه

لا توجد اجابه صحيحه او خاطئه ..


بقره - حصان - نمر - خروف - خنزير

شنو يعني !!!!!!!!!!!!!!!!!!!!!!!!

http://www.aljasem.org/

يرجى قراءة المقال و بعدين التعليق ..

لأني أستأت جدا جدا جدا من الموضوع ..

و تم تأكيد اللي حصل في الضاحية ايضا ..

عشنا و شفنا الخرافي يقارن نفسه بأميرنا الغالي الشيخ جابر الله يرحمه ..

الحمد الله و الشكر

ماشاء الله المجلس وايد يبشر بالخير ..

الاخ فهد اللميع من الحين يهدد بالاستجواب و هالشي يدل على مجلس فاشل من بدايته ..

ماني من محبين جابر الخالد لكن الاستجوابات عمرها ما كانت الحل الصحيح لمشاكلنا ..

و مع هالبدايه ننطر و نشوف النهايه

500 دينار

تحدييييييييييييث ..

ال 500 ان شاء الله راح تظل عندي لمسابقه سأعلن عنها لاحقا ..

تحديث


بالنسبه للدوائر الثانيه , الرابعه , الخامسه . . توقف التصويت

المدونات و المدونون العزيزات و العزيزون ..

بما انه النطره طويله قررت اني اسوي مسابقة و هي اللي يتوقع 10 مرشحيين من دائرته و او اي دائرة بس انكم تلتزمون بدائرة وحده و هال 10 مرشحيين يفوزون لكم مني 500 دينار كاش و اطرشهم لكم المكان اللي تبونه كاش

.. بس طبعا لازم قبل ظهور النتائج بفترة لا تقل عن ساعتين .. و لازم يكون الشخص مدون موشخص غير معروف

.. و بس واحد اللي يفوز مو 2 ولا 10 مو قاعده على بنك .. و لازم ال10 مرشحين كلهم صح لو 9 صح ما يصير . . و طبعا اذا اكثر من شخص جاوب صح راح اختار الاسبق بالوقت .. اتمنى لكم التوفيق ..

للكويت

حفظ الله الكويت و شعبها من كل مكروه

سؤال !!

تحديث


اللهم ارحم الامير الوالد و اغفرله .. عظم الله أجر الكويت و الكويتيين
إنا لله و إنا إليه راجعون


عندي سؤال و اتمنى من الفاهمين بالسياسه يجاوبوني لأني مو وايد فاهمه بالامور السياسيه . . و سؤالي هو عن " حدس " الحركة الدستورية الاسلامية . .

اوكي انا اللي اعرفه انه الكويت دولة دينها الاسلام و لكنها لا تطبق احكام الشريعة الاسلاميه بل تتبع الدستور . .
اللي أبي افهمه اهو شنو يعني حركة دستورية اسلامية ؟؟

اللي انا فهمته انهم يقصدون بدستوريه = الدستور طبعا و انهم يتبعون الدستور و بإسلامية = انهم مع تطبيق احكام الشريعة الاسلامية . .

بس اللي ما فهمته انه شلون الدستور و احكام الشريعة يجتمعون ؟!؟

هل اعضاء " حدس " يحاولون المزج بين الدستور و الشريعه ؟! يعني ياخذون اللي يعجبهم من هني و هناك !؟

اتمنى انه اللي عارف الجواب يفهمني لأني جد هذا اللي فهمته و يمكن اكون غلط

د.معاذ الفهيد

د.معاذ الفهيد

ما اعرفه لا من ناحيه شخصيه و لا غيرها و اول مره اشوفه بحياتي كانت على قناة سكوب من يومين و بصراحه انسان واعي متعلم فاهم متحدث يعرف شنو يبي يعرف شنو يقول .. لأول مره أشوف شخص فعلا يستاهل من يصوت له .. كل مره يتم اختياري على أفضل السيئيين .. للأسف د.معاذ مو من ضمن دائرتي التعيسه الدائرة الأولى .. اهالي الدائرة الثالثه ممكن يصوتون له بعد ما يقتنعون طبعا مثل ما انا اقتنعت بكلامه ..و ما بقى الا 10 ايام وان شاء الله الكل يحكم عقله و ضميره قبل لا يصوت ..

والحافظ الله يا كويت

لجميع محبي الكرة

شنو توقعاتكم لنهائي الدوري الاقوى ( دوري أبطال أوربا ) ؟؟

تشلسي X مانشستر